सर्वसाधारण तपासण्या
आजारात
विविध प्रकारच्‍या तपासण्या करण्यात येतात. सर्वसाधारणपणे
निरोगी माणसाच्या तपासण्यात आढळणार्‍या महत्त्‍वाच्या काही घटकांची माहिती खाली दिलेली
आहे. ज्यायोगे तपासणी अहवालाची तुलना करणे
सोपे होईल.
अ. नाडीपरीक्षा:-
हृदयाच्या स्पंदनाबरोबर त्वचेलगत असणार्‍या नसांमध्‍ये जे स्पंदन जाणवते
त्याला नाडी म्हणतात. शक्यतो मनगटावरील नाडी पाहण्याचा प्रघात
आहे. ही नाडी हाताला न लागल्यास पायाच्‍या घोट्याजवळ अथवा मानेजवळची
नाडी पाहिली जाते.
बोटांच्या
साहाय्याने मनगटावरील नाडीवर हलका दाब दिल्यास नाडीचे ठोके जाणवतात.
नाडीपरीक्षा
करताना आधी दहा मिनिटे विश्रांती घ्यावी. घड्याळातील सेकंद
काटा बारावर येताच नाडीचे ठोके मोजण्यास सुरुवात करावी व पुन्हा तो बारावर येईपर्यंत
नाडीचे ठोके मोजावे.
नवजात
बालकांत नाडीच्या ठोक्यांचा वेग 130 ते 140, प्रौढ माणसांत 70 ते 72 तर वृद्ध
माणसांत हा वेग 160 इतका असतो. शरीराचे
तापमान एक डिग्रीने वाढल्यास नाडीचा वेग 8 ते 10 ठोक्यांनी वाढतो. प्रौढ माणसांत 120 इतका नाडीचा वेग हृदयाचा अशक्तपणा तर 130 ते
160 हा वेग गंभीर स्थिती दर्शवतो.
ब. तापमान:-
थर्मामीटरच्या साहाय्याने शरीराचे तापमान मोजतात. साधारणपणे काखेत किंवा तोंडात थर्मामीटर ठेवून तापमान मोजतात. क्‍वचित
प्रसंगी थर्मामीटर गुद्‌व्‍दारात ठेऊनही तापमान मोजावे लागते. थर्मामीटर झटकून पारा
शून्यावर आणावा व नंतर काख किंवा तोंडात ठेवावा. 98 ते
99 डीग्री फॅरनहाइट हे मानवी शरीराचे सर्वसाधारण तापमान असते.
थर्मामीटर तोंडात किंवा गुद्‌व्‍दारात ठेवून तापमान घेतल्यास तापमानात
किंचित वाढ दिसण्याची शक्यता असते.
क. वजन:-
शारीरिक उंची सेंटीमीटरमध्‍ये मोजून त्यातून शंभर वजा केले असता येणारी
बाकी हे साधारणपणे आदर्श वजन असते. वयोमानानुसार यात किरकोळ वाढ
गृहीत धरता येते.
ड. रक्तदाब:-
रक्तवाहिन्यांमधून वाहणार्‍या रक्ताचा दाब म्हणजे रक्तदाब. साधारणपणे पंचवीस ते तीस या वयात सिस्टॅलिक दाब 120 तर
डायस्टॅलिक दाब 80 इतका आदर्श मानला जातो.
वयोमानानुसार
यात किरकोळ वाढ गृहीत धरता येते. उदा. तीस या वयात 122/82, पस्तिशीमध्‍ये 124/84, चाळिशीत 127/86 तर पन्नाशीत 133/90 इतका रक्तदाब असू शकतो.
इ. ग्लुकोज:-
100 सी.सी. रक्तात ग्लुकोजचे
प्रमाण साधारणपणे 70 ते 120 मिलिग्रॅम असते.
मधुमेहात हे प्रमाण वाढलेले आढळते.
फ. कोलेस्टेरॉल:-
100 सी.सी. रक्तात कोलेस्टेरॉलचे साधारणपणे प्रमाण 140-
120 मिलिग्रॅम असते. रक्तवाहिन्या कठीण होणे,
थायरॉईड ग्रंथींचे आजार, गर्भारपणात हे प्रमाण
वाढलेले आढळते.
क. कॅल्शिअम:-
100 सी.सी. रक्तात कॅल्शिअमचे
प्रमाण साधारणपणे 9-1 मिलिग्रॅम असते. पॅराथायरॉईड ग्रंथींचे आजारात हे
प्रमाण वाढलेले आढळते.
ख. बिलीरूबीन:-
100 सी.सी. रक्तात बिलीरूबीनचे
प्रमाण साधारणपणे 0.1 ते 0.25 मिलिग्रॅम
असते. कावीळ व यकृताच्या विकारांत हे प्रमाण वाढलेले आढळते.
ग. फॉस्फेट:-
100 सी.सी. रक्तात फॉस्फेटचे
प्रमाण साधारणपणे 1.5 ते 4 युनिट असते. कावीळ विकारात हे प्रमाण वाढलेले
आढळते.
घ. प्रोटीन्स:-
100 सी.सी. रक्तात प्रोटीन्सचे
प्रमाण साधारणपणे 6.5 ते 8.2 ग्रॅम असते. जुनाट व्याधीत हे प्रमाण वाढलेले
आढळते.
च. हिमोग्लोबीन:-
पुरुषाच्या 100 सी.सी.
रक्तात हिमोग्लोबीनचे प्रमाण साधारणपणे 13.5 ते
17.0 ग्रॅम असते तर स्त्रियांच्या 100 सी.सी. रक्तात हेच प्रमाण साधारणपणे 12.5 ते 16.0 ग्रॅम असत. पंडुरोगात
(ऍनेमीया) हे प्रमाण कमी झालेले आढळते.
छ. तांबड्या
रक्तपेशी:- रक्तात
तांबड्या रक्तपेशीचे प्रमाण साधारणपणे 4.2 ते 6.2 दशलक्ष/घन मि.मि. असे आढळते.
ज. अल्बुमीन
- ग्लोबीन:- 100 सी.सी.
मूत्रात अल्बुमीनचे प्रमाण साधारणपणे 4.6 ते
6.7 ग्रॅम असते तर ग्लोबीनचे प्रमाण 1.2 ते
2.3 ग्रॅम असते.
झ. युरिक
ऍसिड:- 100 सी.सी. मूत्रात युरिक ऍसिडचे प्रमाण साधारणपणे 2 ते
4 मिलिग्रॅम असते, गाऊट या व्याधीत हे प्रमाण वाढलेले
आढळते.
==========XXXXXXX=============
Rate This Article
या लेखात, आम्ही आपणाला सर्वसाधारण तपासण्या. याबाबत माहिती दिली आहे आम्हाला आशा आहे की, तुम्हाला ती आवडली असेल. माहिती आवडली असेल तर, सदरची माहिती तुमच्या मित्रांनाही शेअर करा.
आपले महसूल कायद्याविषयक प्रश्न विचारण्यासाठी आमच्या वेबसाईटला भेट द्या. आणि आमच्या टेलिग्राम चॅनेललाही आजच जॉईन व्हा. Website Link Telegram Channel Link धन्यवाद !