शासकीय पत्रलेखनावरील स्वाक्षरी व पत्ता
शासकीय कार्यालयातून निर्गमित होणार्‍या अनेक पत्रांवर कार्यालयाचापत्ता, फोन
नंबर इत्‍यादी माहिती नसते तसेच संबंधीत अधिकारी/कर्मचार्‍याचे नाव व पदनाम नमूद न
करता फक्‍त स्वाक्षरी असते. काही शाखा प्रमुख फक्‍त "(कार्यालय
प्रमुखा) करिता" म्‍हणून स्वाक्षरी करतात. त्‍यामुळे स्वाक्षरी करणार्‍या
अधिकार्‍याची ओळख पटत नाही. भविष्‍यामध्‍ये अशा पत्रांबाबत काही समस्‍या उद्‍भवल्‍यास
पत्रावर स्वाक्षरी करणार्‍या अधिकार्‍याचा शोध घेणे कठीण होते.
सर्वसामान्य नागरिकांना शासकीय कार्यालयांशी संपर्क साधण्यासाठी आवश्यक असलेली माहिती शासकीय पत्रांमध्ये नमूद नसल्याने त्यांना शासकीय कार्यालयांशी संपर्क करणे कठीण होते.
सबब शासन परिपत्रक क्रमांक सामान्य
प्रशासन विभाग- संकीर्ण -२०१५/ प्र.
क्र.
४७/१८ (र.
व का.) दिनांक २४.०६.२०१५ अन्‍वये, शासन पत्रव्यवहारात
शासकीय विभागाच्‍या/कार्यालयाच्‍या नावानंतर, कार्यालयाचा संपूर्ण पत्ता, मजला क्रमांक, दालन क्रमांक
नमूद असावा तसेच कार्यालयीन दूरध्वनी क्रमांक, फॅक्स
क्रमांक तसेच
ई-मेल आय.डी. देखील नमूद असावा अशा सूचना निर्गमित केल्‍या आहेत.
कार्यालयीन कार्यपद्धती नियमपुस्‍तिका, नियम ५३(८) अन्‍वये शासकीय पत्रे निर्गमित करतांना पत्रावर स्वाक्षरी
करणार्‍या अधिकार्‍याने त्‍याच्‍या स्‍वाक्षरीखाली कंसामध्‍ये स्वत:चे नाव आणि
पदनाम नमूद करण्‍याची तरतुद आहे.
शासन
परिपत्रक क्र. संकीर्ण-२०१८/ प्र.क्र. ५१६/ नवि-२०, दिनांक २४ मे, २०१८
अन्‍वये, राज्यातील सर्व
शासकीय कार्यालये, प्राधिकरण,
स्थानिक स्वराज्य संस्था यांनी शासनाच्‍यावतीने
सर्व सामान्य जनतेशी
पत्रव्यवहार करताना सर्व पत्रव्यवहार/प्रत्येक कागदपत्र/आदेश/पावती इतर
कोणत्याही प्रकारच्या दस्त ऐवजावर अधिकारी/कर्मचारी यांना त्यांच्या स्वाक्षरी खाली स्वत:चे नाव, पदनाम,
कार्यालय
व दिनांक स्पष्ट अक्षरात लिहीणे बंधनकारक केले आहे. जेणेकरुन
कार्यालयाकडून अदा करण्यात येणाऱ्या सार्वजनिक दस्तऐवज/ कागदपत्रांवर कोणत्या अधिकारी किंवा कर्मचारी याने स्वाक्षरी
केली
आहे व केव्‍हा केली आहे हे कळू शकेल.
केंद्र
शासनाच्या कायर्लयीन कार्यपद्धती नियमपुस्‍तिका नियम ३२ (१०) अन्‍वये कार्यालयीन
टिप्पणी
सादर
करताना अधिकारी/कर्मचाऱ्याचे नाव, पदनाम व दिनांक नमूद करणे आवश्यक
आहे. त्‍या अनुषंगाने
शासन
परिपत्रक क्रमांक संकीर्ण -२०१५/ प्र. क्र.
१२९/१८ (र. व का.) दिनांक १७.१०.२०१५ अन्‍वये कोणत्याही प्रकरणी कार्यालयीन टिप्पणी वरिष्‍ठांना
मान्यतेस्तव
/ आदेशार्थ सादर
करताना, कर्मचारी/अधिकार्‍यांच्या स्तरानुसार क्रमाने चिन्हांकित
करावी.
असे चिन्हांकन
करतांना टिप्पणी सादर करण्यार्‍या प्रत्येक कर्मचारी/ अधिकार्‍याने टिप्पणीखाली स्वाक्षरी करताना
त्‍याचे नाव, पदनाम आणि दिनांक नमूद
करण्‍याच्‍या सूचना दिल्‍या आहेत.
पूर्वी कार्यालयीन प्रमुखाच्‍या नावे "(कार्यालय
प्रमुखा) करिता" म्‍हणून स्वाक्षरी करण्‍याची पद्‍धत सर्रास अस्‍तित्‍वात
होती. तथापि, मा. राज्‍य माहिती आयुक्‍त, कोंकण खंडपीठ यांच्‍यासमोर दाखल झालेल्‍या
व्‍दितीय अपिल क्र. के. आर. ४३२४/२०१७ मध्‍ये, एका कागदपत्रावर स्वाक्षरी केलेल्‍या
अधिकार्‍याच्‍या नाव व पदनामाबाबत संभ्रम निर्माण झाल्‍यावरून, शासन परिपत्रक
क्रमांक सामान्य
प्रशासन विभाग- संकीर्ण -२०१८/ प्र.
क्र.
८१/१८ (र.
व का.) दिनांक ३०.०५.२०१८ अन्‍वये, सर्व मंत्रालयीन विभाग व त्‍यांच्‍रया नियंत्रणाखाली असलेल्‍या सर्व विभाग व
शासकीय कार्यालयांना सूचना देण्‍यात आली आहे की,
शासनाच्‍यावतीने करण्यात येणार्‍या सर्व पत्रव्यवहार/प्रत्येक कागदपत्र/आदेश/पावती
इतर कोणत्याही प्रकारच्या दस्त ऐवजावर
स्वाक्षरी करणार्‍या प्रत्येक अधिकारी/कर्मचारी यांनी
त्यांच्या
सही खाली
स्वत:चे
नाव, पदनाम, कार्यालय स्पष्ट अक्षरात नमूद करावे. कोणत्याही परिस्‍थितीत वरिष्‍ठ अधिकार्‍याचे पदनाम नमूद करून "करिता" असा उल्‍लेख करून, स्वाक्षरी करण्यात येऊ नये.
थोडक्‍यात, प्रत्येक शासकीय पत्रव्यवहार/प्रत्येक कागदपत्र/आदेश/पावती इतर
कोणत्याही प्रकारच्या
दस्त ऐवजावर, तो निर्गमित करणार्‍या कार्यालयाचा संपूर्ण पत्ता,
मजला क्रमांक, दालन क्रमांक व दिनांक नमूद असावा तसेच कार्यालयीन दूरध्वनी क्रमांक, फॅक्स
क्रमांक तसेच
ई-मेल आय.डी. देखील नमूद असावा.
तसेच शासनाच्‍यावतीने करण्यात येणार्‍या सर्व
पत्रव्यवहार/प्रत्येक कागदपत्र/आदेश/पावती इतर कोणत्याही
प्रकारच्या दस्त
ऐवजावर स्वाक्षरी करणार्‍या प्रत्येक अधिकारी/कर्मचारी यांनी त्यांच्या सही खाली स्वत:चे नाव,
पदनाम, कार्यालय स्पष्ट
अक्षरात नमूद करावे. कोणत्याही परिस्‍थितीत वरिष्‍ठ अधिकार्‍याचे पदनाम नमूद करून "करिता" असा उल्‍लेख करून, स्वाक्षरी करण्यात येऊ नये.
bžb
Rate This Article
या लेखात, आम्ही आपणाला शासकीय पत्रलेखनावरील स्वाक्षरी व पत्ता. याबाबत माहिती दिली आहे आम्हाला आशा आहे की, तुम्हाला ती आवडली असेल. माहिती आवडली असेल तर, सदरची माहिती तुमच्या मित्रांनाही शेअर करा.
आपले महसूल कायद्याविषयक प्रश्न विचारण्यासाठी आमच्या वेबसाईटला भेट द्या. आणि आमच्या टेलिग्राम चॅनेललाही आजच जॉईन व्हा. Website Link Telegram Channel Link धन्यवाद !